ہری پور ڈپٹی کمشنر نے ڈومیسائل تصدیق کے اختیارات ویلج سیکرٹریز کو تفویض کر دیے

ضلع مانسہرہ میں حلقہ پٹواری گاندھیاں تنویر احمد کے خلاف انٹی کرپشن کی کاروئی کے بعد پورے ہزارہ ڈویژن میں پٹواریوں نے ہڑتال کر رکھی ہے جس کے نتیجے میں محکمہ مال اور پٹواریوں سے جڑے عوام کے قانونی کام التوا جا شکار ہو گیے ہیں،اس ہڑتال کی سب سے زیادہ مشکلات کالجز اور یونیورسٹیز میں داخلہ لینے والے طلبہ کو پیش آ رہی ہیں کہ داخلہ کے لیے کالجز اور یونیورسٹیز نے داخلہ کے لیے ڈومیسائل کی لازمی شرط رکھی ہوئی ہے اور پٹواریوں کی ہڑتال کے باعث ڈومیسائل بنانے والے طلبا و طالبات کو دقت اور پریشانی کا سامنا کرنا پڑ رہا ہے۔اس سلسلے میں عوامی حلقوں نے صوبائی حکومت سے مطالبہ کیا ہے کہط ڈومیسائل کی تصدیق کے اختیارات ہری پور کی طرح پورے ہزارہ ڈویژن میں ویلج کونسل سیکٹریز کے حوالے کیے جائیں کیوں کہ کسی بھی شہری کے پیدائش،نکاح نامہ،طلاق نامہ اور فوتگی سمیت تمام ضروری دستاویزات ویلج سیکٹریز کے پاس ہوتی ہیں