مانسہرہ
ڈی پی او مانسہرہ شفیع اللہ گنڈا پور کے احکامات پر ایس پی سٹی و ہیڈکوارٹرز مانسہرہ ریشم جہانگیر کی سربرائ میں موت کے سوداگروں کے خلاف فیصلہ کن کاروائیوں کا سلسلہ جاری ہے۔
اسی سلسلہ میں ایس پی سٹی ریشم جہانگیر کی سربرائ میں ایس ایچ او تھانہ لاری اڈہ فیصل خلیل اور ٹیم نے منشیات فروش کے ٹھکانے پر چھاپہ مارا تو منشیات فروش اور اسکے ساتھیوں کے جانب سے پولیس پر فائرنگ شروع کر دی گئ۔فائرنگ کے تبادلہ میں بٹ دریاں کا رہائشی منشیات فروش نعمان کو زخمی حالت میں پستول سمیت گرفتار کرلیا گیا۔جسے بعد ازاں پولیس کی جانب سےہسپتال منتقل کردیا گیا ہے۔
منشیات فروش نعمان کے خلاف تھانہ سٹی اور تھانہ لاری اڈہ میں منشیات کے 2/2 مقدمات درج ہیں جبکہ تھانہ پارس میں
چوری کا مقدمہ بھی درج ہے۔
ڈی پی او مانسہرہ شفیع اللہ گنڈا پور نے کہا ہے کہ “موت کے سوداگروں /منشیات جیسے زہر کے کاروبار میں ملوث عناصروں کو پہلے ہی متنبہ کیا جا چکا ہے کہ یا تو اس مکروہ دھندے سے باز آجائیں توبہ تائب ہوجائیں یا ضلع چھوڑ دیں، بصورت دیگر ان کا انجام بھی واضح ہے۔
