مانسہرہ
صوبائی حکومت کے احکامات اور ڈپٹی کمشنر مانسہرہ کی خصوصی ہدایات پر اسسٹنٹ کمشنر مانسہرہ محترمہ ثناء فاطمہ نے خسرہ اور روبیلا سے بچاؤ کی جاری قومی ویکسینیشن مہم کا فیلڈ میں جا کر تفصیلی جائزہ لیا۔
دورے کے دوران اے سی مانسہرہ نے ویکسینیشن ٹیموں کی حاضری چیک کی ، بچوں کو لگائی جانے والی ویکسین کے معیار اور اسٹوریج کے انتظامات کا معائنہ کیا اور والدین میں آگاہی پھیلانے کے لیے کیے گئے حکومتی اقدامات کا بھی جائزہ لیا ، انہوں نے محکمہ صحت کے عملے کو ہدایت جاری کی کہ ہر بچے تک ویکسین کی یقینی فراہمی کو ہر صورت ممکن بنایا جائے ،
اس موقع پر اسسٹنٹ کمشنر نے والدین سے اپیل کی کہ وہ اپنے بچوں کو خسرہ اور روبیلا سے بچاؤ کے لیے لازمی ویکسین کروائیں تاکہ ایک صحت مند معاشرہ تشکیل دیا جا سکے ،
آخر میں انہوں نے ویکسینیشن ٹیموں کی کارکردگی کو سراہا اور مہم کی کامیابی کے لیے ہر ممکن تعاون فراہم کرنے کی یقین دہانی کرائی –
