مانسہرہ
اس سلسلے میں ایس ایچ او تھانہ صدر عامر ملک نے کامیاب کارروائی کرتے ہوئے شہلیہ کی حدود میں 4/5 سالہ بچے سے زیادتی کے الزام میں ملزم محسن ولد گل محمد سکنہ شہلیہ بلڈھیری کو گرفتار کر لیا۔ ملزم کے خلاف مقدمہ درج کرکے مزید قانونی کارروائی جاری ہے۔
پولیس کی مطابق اسی طرح ایک اور کارروائی کے دوران بدنام زمانہ منشیات فروش غلام نبی شاہ سکنہ رہڑھ کو 1 کلو 968 گرام چرس سمیت گرفتار کر لیا گیا۔ پولیس نے ملزم کے خلاف منشیات ایکٹ کے تحت مقدمہ درج کرکے مزید تفتیش شروع کر دی ہے۔
ڈی پی او مانسہرہ شفیع اللہ گنڈا پور نے اس موقع پر کہا کہ معاشرتی برائیوں کے خاتمے اور شہریوں کو محفوظ ماحول فراہم کرنے کے لیے ایسے عناصر کے خلاف زیرو ٹالرینس پالیسی پر عمل درآمد کیا جا رہا ہے۔ انہوں نے واضح کیا کہ بچوں سے زیادتی جیسے سنگین جرائم میں ملوث افراد اور منشیات فروش معاشرے کے دشمن ہیں اور ان کے خلاف بلا امتیاز کارروائی جاری رہے گی۔
