اسلام آباد
طلباء و طالبات کو سماء نیوز کے اسلام آباد آفس کا دورہ کرایا گیا، جہاں پارک ویو سٹی کے ہیڈ آف سیلز ڈیپارٹمنٹ خرم بیگ نے سٹوڈنٹس کو ایڈورٹائزنگ پر مختصر لیکچر دیا، جبکہ سماء نیوز کے پروڈیوسر نوید رحمان نے سٹوڈنٹس کو کرنٹ افیئرز کے پروگرامز کے حوالے سے بریف کیا۔
اس کے بعد چیئرمین ڈاکٹر ماجد الغفار سٹوڈنٹس کو ڈیجیٹل میڈیا چینل وی نیوز لے گئے، جہاں چیف ایڈیٹر عمار مسعود اور ڈائریکٹر نیوز خرم شہزاد نے ملاقات میں صحافتی میدان میں درپیش چیلنجز سے نمٹنے کیلئے سٹوڈنٹس کی راہنمائی کی، جبکہ ایڈیٹر پلاننگ ڈیپارٹمنٹ احسن اعوان نے وی نیوز کے آپریشنز پر بریفنگ دی، اور پلاننگ پروڈیوسر عمیر خان آباد نے طلباء و طالبات کے ساتھ نیوز و فیچر اسٹوری کے حوالے سے تبادلہ خیال کیا۔
چیف ایڈیٹر وی نیوز عمار مسعود اور چیئرمین ڈاکٹر ماجد الغفار کے درمیان جلد MoU کرنے کے حوالے سے بھی اتفاق ہوا، جس کے بعد ہزارہ یونیورسٹی کے سٹوڈنٹس کو ٹریننگ ورکشاپس اور انٹرنشپس دی جائیں گی۔
طلباء و طالبات نے اس مطالعاتی دورے کے بعد خوشی کا اظہار کرتے ہوئے کہا کہ "اس دورے کے بعد میڈیا میں ہمارا انٹرسٹ مزید بڑھ گیا ہے، ہم جلد ملک و قوم کی مثبت آواز بننے کیلئے پُرعزم ہیں۔”
