بٹ دریاں میں خاوند نے پانچ بچوں کی ماں کو گولیاں مار کر قتل کر دیا

مانسہرہ بٹ دریاں میں پانچ بچوں کی ماں کو گولیاں مار کر قتل کر دیا گیا،لاری اڈہ پولیس نے مقتولہ کے خاوند،سسر اور سسر کے بھائی سمیت تین افراد کے خلاف مقدمہ درج کرکے تفتیش شروع کر دی ہے۔جبوڑی کنوگ کے رہائشی افغان باشندے گلزار احمد ولد پیر محمد نے تھانہ لاری اڈہ میں رپورٹ درج کرتے ہوئے پولیس کو بتایا کہ اس کی مقتول بیٹی آمنہ بی بی کی شادی پندرہ سال قبل حضرت نبی ولد محمد غلام کے ساتھ ہوئی تھی اور اس کے پانچ بچے بھی تھے کچھ عرصہ گھریلو تشدد کی وجہ سے وہ ہمارے گھر آ گئی تھی مگر اس کا سسر محمد غلام ولد محمد رسول اور ملزم کا چچا سید محمد ولد محمد رسول اپنی زمہ داری پر واپس لے گیے تھے کہ اب اس کے ساتھ مار پیٹ اور تشدد نہیں ہو گا مگر چھبیس جون کو دن گیارہ بجے مجھے اطلاع ملی کہ میری بیٹی کو میرے داماد ملزم حضرت نبی نے نے اپنے والد اور چچا کی ایما پر گولیاں مار کر قتل کر دیا ہے اور ملزمان فرار ہو گئیے ہیں۔جس پر لاری اڈہ پولیس نے علت نمبر 550 زیر دفعہ 302/109 مقدمہ درج کرکے تفتیش شروع کر دی ہے۔