سیلابی ریلے کی نذر ہونے والے تینوں بچوں کی لاشیں مل گئیں

حویلیاں تھانہ پی او ایف کی حدود میں دل دہلا دینے والا واقعہ پیش آیا جہاں مقامی لوگوں نے ندی دوڑ میں بچوں کی نعشیں تیرتی ہوئی دیکھیں،زرائع کے مطابق بعد ازاں تصدیق ہوئی کہ تحصیل حویلیاں میں محلہ شیخاں کے رہائشی فیصل شاہ کے تین معصوم بچے دو بچیاں اور ایک بچہ ندی دوڑ میں نہاتے ہوئے اچانک آنے والے پانی کے ریلے میں بہہ گئے ہیں جن میں 13 سالہ فاتحہ، 11 سالہ سیف اللہ عمر، اور 4 سالہ فاطمہ کھیلتے کھیلتے اچانک آنے والے سیلابی ریلے کی نذر ہو گیے۔مقامی لوگوں نے پہلے دو بچوں کی لاشیں نکال لی تھیں اور رات گیے کافی تگ و دو کے بعد تیسری بچی کی لاش بھی نکال لی ہے۔