ڈپٹی انسپکٹر جنرل آف پولیس ہزارہ ناصر محمود ستی کی ہدایات اور ڈی پی او مانسہرہ شفیع اللہ گنڈا پور کی قیادت میں مجرمان اشتہاریوں کی گرفتاریوں کا سلسلہ کامیابی سے جاری
مانسہرہ تھانہ بٹل کی حدود میں 09 اپریل 2010 کو پیش آنے والے اندوہناک قتل کیس میں مطلوب اشتہاری مجرم سجاول ولد دلاور سکنہ گلی باغ بفہ کو بالآخر گرفتار کر لیا گیا۔ مذکورہ مجرم نے 16 برس قبل ساجد نامی شخص کو بےدردی سے قتل کر کے لاش کے تین ٹکڑے کر دیے تھے، جس کے بعد وہ مسلسل روپوش رہا اور قانون کی نظروں سے بچتا رہا۔
ایس پی سٹی ریشم جہانگیر کی زیر نگرانی، ایس ایچ او تھانہ بفہ شجاعت قریشی اور ان کی ٹیم نے خفیہ اطلاع پر کارروائی کرتے ہوئے نہایت حکمت عملی اور پیشہ ورانہ مہارت سے قاتل کو گرفتار کیا۔
ڈی پی او مانسہرہ نے پولیس ٹیم کی اس کامیاب کارروائی کو سراہتے ہوئے کہا کہ پولیس جرائم پیشہ عناصر کے خلاف بلاامتیاز کارروائیاں جاری رکھے گی اور قانون سے فرار ممکن نہیں۔
