پاکستان میں کل سے زراعت شماری کا عمل شروع ہو رہا ہے جو دس فروری تک جاری رہے گا،زراعت شماری کا عمل دو ہزار بیس کے بعد زیر التوا تھا۔اس قومی اہمیت کے حامل عمل کے ذریعے ملک کی زرعی پیداوار، فصلوں کی اقسام، کاشتکاروں کی تعداد اور دیگر اہم زراعت سے متعلق معلومات اکٹھی کی جائیں گی۔ زراعت شماری کے ذریعے حکومت کو ملک کی زراعت کے حوالے سے درست اور جامع معلومات حاصل ہوں گی، جس سے مستقبل میں زرعی پالیسیوں کو مزید بہتر بنایا جا سکے گا۔
زراعت شماری ملک کی معیشت میں زراعت کے کردار کو سمجھنے کے لیے انتہائی اہم ہے۔ اس کے ذریعے حاصل ہونے والی معلومات سے زرعی پیداوار میں اضافے کے لیے حکمت عملی بنائی جا سکتی ہے۔کسانوں کو بہتر سہولیات فراہم کی جا سکتی ہیں۔زرعی قرضوں کی تقسیم میں مدد مل سکتی ہے۔مارکیٹنگ کی حکمت عملیوں کو بہتر بنایا جا سکے گا۔
فوڈ سکیورٹی کو یقینی بنانے میں مدد ملے گی۔تمام کسانوں سے اپیل کی جاتی ہے کہ وہ زراعت شماری میں بھرپور تعاون کریں اور شماری کارکنوں کو درست معلومات فراہم کریں۔ آپ کی فراہم کردہ معلومات ملک کی زراعت کی بہتری کے لیے انتہائی اہم ہیں۔
حکومت نے زراعت شماری کو کامیاب بنانے کے لیے خصوصی اقدامات اٹھائے ہیں۔ اس سلسلے میں شماری کارکنوں کو تربیت دی جا رہی ہے اور انہیں جدید آلات فراہم کیے جا رہے ہیں۔ حکومت کا مقصد یہ ہے کہ زراعت شماری کو شفاف اور بروقت طریقے سے مکمل کیا جائے۔ کسانوں کے مطابق زراعت شماری پاکستان کے لیے ایک اہم قدم ہے۔ اس سے ملک کی زرعی ترقی میں مدد ملے گی اور کسانوں کی زندگیوں میں بہتری آئے گی۔ آئیے ہم سب مل کر اس قومی عمل کو کامیاب بنائیں۔
شیئر
شیئر
