انسہرہ میں پانچ روزہ انسداد پولیو مہم شروع ، پولیو ٹیموں کی سیکیورٹی کے لئے سخت ترین انتظامات ، پرامن انعقاد کےلئیے پولیو ٹیموں کے ساتھ 1659 پولیس افسران و جوان سیکیورٹی کے فرائض سر انجام دے رہے ہیں
ڈی پی او مانسہرہ شفیع اللہ گنڈا پور نے ڈپٹی کمیشنر مانسہرہ خالد اقبال اور ڈسٹرکٹ ہیلتھ آفیسر ڈاکٹر شاہ فیصل خانزادہ کے ہمراہ پچوں کو پولیو کے قطرے پلا کر پانچ روزہ مہم کا آغاز کیا۔
پولیو ٹیموں کا تحفظ اولین ترجیح ہے،پولیو ٹیموں کی سیکیورٹی کے لیے سخت ترین انتظامات کیے گئے ہیں ۔ شفیع اللہ گنڈا پور ضلعی پولیس سربراہ مانسہرہ
پولیو ڈیوٹی پر جانے سے قبل ڈی پی او مانسہرہ کی ہدایات پر تمام تھانوں اور سرکلز میں ڈی ایس پیز اور ایس ایچ اوز نے نفری کو بریفنگ بھی دی۔
تفصیلات کے مطابق ضلع مانسہرہ میں پانچ روزہ انسداد پولیو مہم کے پر امن انعقاد کے لئےپولیس کی بھاری نفری تعینات، انسدادپولیو مہم کے دوران ضلع کے تمام داخلی و خارجی راستوں پر ناکہ بندیوں کے ساتھ ساتھ
ڈی پی او مانسہرہ نے تمام ایس پیز ، ڈی ایس پیز اور ایس ایچ اوز کو احکامات جاری کرتے ہوئے کہا کہ تمام افسران بذات خود پولیو ٹیموں کے نگرانی کریں، پولیو ٹیم کے حفاظت کے ساتھ ساتھ پولیس آفسران و نوجوانان اپنی حفاظت کے لئے بلٹ پروف جیکٹ اور ہیلمٹ کا استعمال یقینی بنائیں۔
عوام کے نام اپنے پیغام میں ڈی پی او مانسہرہ کا کہنا ہے کہ اپنے بچوں کو پولیو سے بچاؤ کے قطرے پلوانا ہم سب کا قومی فریضہ ہے۔ انسداد پولیو ٹیموں کے ساتھ تعاون کریں اور اپنے 5 سال تک کے بچوں کو پولیو کے قطرے پلائیں۔تاکہ انکو جسمانی معزوری سے بچایا جاسکے۔
