ہری پور :ڈی پی او ہری پور کے احکامات کی روشنی میں ہری پور پولیس کا جرائم پیشہ عناصر کے خلاف کاروائیاں جاری۔
تھانہ خانپور پولیس کی کاروائی ،اغواء برائے تاون کے مقدمہ میں ملوث ملزمان گرفتار ،مغوی برآمد۔
ایس پی انوسٹی گیشن ہری پور جمیل الرحمان نے ہمراہ ڈی ایس پی سرکل خانپور محمد عزیر اور دیگر افران کے تھانہ خانپور میں پریس بریفنگ کے دوران بتلایا کہ مورخہ 17.10.2024 کومدعی اویس زاہد ولد محمد زاہد سکنہ گھمانواں حال بارہ کہو اسلام آباد نے تھانہ خانپور میں اپنے رپورٹ کی کہ وہ اپنے بھائی وقاص زاہد اور کزن مزمل احمد ولد محمد ندیم کے ہمراہ موٹرسائیکل پر براستہ خانپور اسلام آباد جارہے تھے کہ سورج گلی خطاب گل کرش پلانٹ کے پاس بوقت 9:30 بجے موٹرکار بلانمبری نے ٹکر ماری جو تینوں زخمی ہوئے ۔ موٹرکار میں چار اشخاس تھے جنہوں نے علاج معالجے کا کہہ کر موٹرکار میں ہری پور کی جانب لے ائے اور مزمل احمد کو وجیاں پٹرول پمپ کے پاس پھینک دیا اور اسلحہ کی نوک پر موبائل فونز اور رقم مبلغ 30 ہزار وپے اور دیگرکاغذات بھی چھین لیے اور اسلام آباد کی جانب روانہ ہوگئے ۔جبکہ اویس کو زخمی حالت میں موٹروےٹھیلیاں انٹرچینج کے پاس پھینک کر زاہد کو ساتھ لے گئے ۔مدعی کی رپورٹ پر نامعلوم ملزمان کے خلاف مقدمہ علت 856 مورخہ 17.10.2024 جرم A-324-337FV-427-15AA/34-PPC 365 مقدمہ درج رجسٹر ہوا۔
ڈی پی او ہری پور نے واقع کا فوری نوٹس لیا اور ایس پی انوسٹی گیشن ہری پور جمیل الرحمان اور ڈی ایس پی خانپور محمد عزیر کی زیر نگرانی ایس ایچ او تھانہ خانپور ھارون خان ،انچارج شعبہ تفتیش جاوید خان اور تفتیشی افسر عباس خان نے ہمراہ پولیس ٹیم کے مختلف زاویوں سے مقدمہ میں تفتیش کا آغاز کرتے ہوئے ملزمان احمد ولد غلام صابر ،احمد ولد عبدالقیوم ساکنان سعید آباد ،ظہیر یونس ولد محمد یونس سکنہ محلہ سعید آباد چونگی نمبر 11 ،عثمان حیدر ولد حیدر زمان سکنہ بودلہ لڑی ایبٹ آباد ،محمد ہمایون ولد عبدالقیوم سکنہ گھماواں،کاشف ولد غلام محمد سکنہ گھماواں حال ٹی آئی پی کو گرفتار کرکے مغوی وقاص،وقوعہ میں استعمال ہونے والی موٹرکار ،اسلحہ ،موبائل فونز بھی برآمد کرلیے دیگر 02 ملزمان کی گرفتاری کے لیے کاروائیاں جاری ہیں ۔ملزمان مغوی کے قریبی رشتے دار ہیں ۔ملزمان نے مغوی کی رہائی کے لیے 1 کروڑ کی رقم کا مطالبہ کیا تھا۔ملزمان کو پیش عدالت کیا گیا جہاں سے 10 یوم حراست پولیس منظور ہوئی ۔مقدمہ میں مزید تفتیش جاری ہے۔
