مانسہرہ
صوباٸی وزیر برائے ہائر ایجوکیشن خیبر پختونخوا جناب مینا خان آفریدی نے آج جمعرات کے دن گورنمنٹ پوسٹ گریجویٹ کالج کا دورہ کیا۔اس موقع پر ان کے ہمراہ معزز مہمانوں میں ڈائریکٹر ہائر ایجوکیشن پروفیسر ڈاکٹر فرید اللہ شاہ، ایم پی اے اکرام اللہ غازی اور پی ٹی آئی کے پی کے نائب صدر کمال خان سواتی شامل تھے۔
جی پی جی سی مانسہرہ کے پرنسپل پروفیسر ریاض حسین نے مہمانوں کو تفصیلی بریفنگ دی، جس میں کالج کی شاندار تاریخ، متنوع سرگرمیوں، اہم اقدامات اور نمایاں کامیابیوں کا احاطہ کیا گیا۔ انہوں نے موقع سے فائدہ اٹھاتے ہوئے ادارے کو درپیش موجودہ چیلنجز اور ان ضروری سہولیات کو اجاگر کیا جو اس وقت ناپید ہیں۔
اپنے خطاب میں جناب مینا خان آفریدی نے کالج انتظامیہ کی تعریف کرتے ہوئے تعلیم کے اعلیٰ معیار کو برقرار رکھنے کے لیے ان کی لگن کو سراہا۔ مینا خان آفریدی نے پرنسپل کی طرف سے پیش کیے گئے فوری حل طلب مسائل کو دلچسپی سے سنا اور کالج کمیونٹی کو یقین دلایا کہ وہ ان چیلنجز سے نمٹنے اور ان کے حل کے لیے فعال کردار ادا کریں گے۔
مسٹر آفریدی نے کہا، "ہم تعلیم کے معیار کو بلند کرنے اور اپنے تعلیمی اداروں کو تمام ضروری سہولیات فراہم کرنے کے لیے پرعزم ہیں۔” انہوں نے تعلیمی کی اہمیت اور جامع ترقی کے ماحول کو فروغ دینے میں کالج کی کوششوں کی بھی تعریف کی۔
یہ دورہ جی پی جی سی مانسہرہ کی مسلسل ترقی اور بہتری کے لیے ایک نئے امید اور عزم کے ساتھ اختتام پذیر ہوا۔ کالج انتظامیہ جناب آفریدی اور معزز مہمانوں کی تشریف آوری اور تعاون کے لیے تہہ دل سے شکریہ ادا کرتی ہے۔
