ہزارہ یونیورسٹی مانسہرہ کے پہلے غیر ملکی سکالر نے پی ایچ ڈی مکمل کرلی۔

تفصیلات کے مطابق سری لنکا سے تعلق رکھنے والے یونیورسٹی کے شعبہ آرکیالوجی کے ریسرچ سکالرعبد الرحیم جیسمل نے The Archaeology of Sri Lanka: Investigating the Muslim Heritage کے موضوع پر تحقیقی کام مکمل کرتے ہوئے یونیورسٹی کے پہلے غیر ملی پی ایچ ڈی سکالر ہونے کا اعزاز حاصل کر لیا۔وہ ہائیر ایجوکیشن کمیشن اسلام آباد کی Allama Iqbal Scholarship پر ہزارہ یونیورسٹی میں اعلیٰ تعلیم حاصل کر رہے تھے۔ سکالر عبد الرحیم جیسمل نے ڈیپارٹمنٹ کے چیئر مین ڈاکٹر شاکر اللہ خان کی زیر نگرانی اپنی پی ایچ ڈی مکمل کی جبکہ اطالوی یونیورسٹیوں کے پروفیسرز نے عبد الرحیم جیسمل کے تھیسز کی جانچ پڑتال کی اور انہیں پی ایچ ڈی کے لئے اہل قرار دیا۔ عبد الرحیم جیسمل کے ایگزامنرز میں سابق چیئر مین آرکیالوجی ڈیپارٹمنٹ پشاور یونیورسٹی ڈاکٹر مختار علی درانی اور ذاکر اللہ جان آرکیالوجی ڈیپارٹمنٹ پشاور یونیورسٹی شامل تھے۔عبد الرحیم جیسمل سال2020ء سے 2023تک پی ایچ ڈی کے لئے انرول رہے اور اس دوران انہوں نے قومی و بین الاقوامی موقر جرائد میں 9تحقیقی مقالے جات شائع کروائے ۔سکالر کے پبلک ڈیفنس میں آرکیالوجی کے ماہرین ٍ، پروفیسرز اور طلباء و طالبات نے شرکت کی۔ واضح رہے کے اس وقت چین کے ایک سکالر بھی آرکیالوجی ڈیپارٹمنٹ میں اعلیٰ تعلیم کے سلسلے میں زیر اندراج ہیں ۔