مانسہرہ ۔شنکیاری کے محلہ گوجر آباد میں ڈکیتی کی واردات کے دوران مزاحمت پر ڈاکووں کی فاٸرنگ سے میاں بیوی شدید زخمی ہو گٸیے

مانسہرہ ۔شنکیاری کے محلہ گوجر آباد میں ڈکیتی کی واردات کے دوران مزاحمت پر ڈاکووں کی فاٸرنگ سے میاں بیوی شدید زخمی ہو گٸیے۔متاثرہ خاندان کے مطابق ہفتہ کی صبح سحری کے وقت تین بجے کے قریب محلہ گوجر آباد میں واقع ظفر اقبال کے گھر تین مسلح افراد داخل ہوٸے اہل خانہ کو زودو کوب کرنا شروع کر دیا اور متاثرہ خاندان کی طرف سےمزاحمت پر فاٸرنگ کرکے ظفر اقبال اور اس کی اہلیہ کو شدید زخمی کر دیا اس دوران اہل محلہ کی طرف سے شور شرابہ پر مسلح ڈکیت فرار ہونے میں کامیاب ہو گٸیے۔ زخمیوں کو تھانہ شنکیاری میں ابتداٸی اطلاعی رپورٹ درج کروانے کے بعد فوری طور پر کنگ عبداللہ ہسپتال لایا گیا ہے ,کنگ عبداللہ ہسپتال کی ایمرجنسی میں عملہ نہ ہونے کی وجہ سے چھ گھنٹے گزرنے کے باوجود زخمیوں کو ابتداٸی طبی امداد نہیں مل سکی ۔زخمی ظفر اقبال اور اہلیہ کے ہمراہ ہسپتال آنے والے عزیزوں نے ہزارہ ایکسپریس نیوز کو ٹیلی فون کال پر بتایا کہ صبح تین بجے کے وقوعہ ہے اور ابھی تک ان کو نہ تو داخل کیا گیا ہے اور نہ ہی کسی وارڈ میں شفٹ کیا گیا ہے ,ان کا کہنا ہے کہ ہسپتال کے سیکورٹی گارڈز کہہ رہے ہیں کہ ایمرجنسی عملہ آٸے گا تو آپ لوگوں کو داخل اور علاج کیا جاٸے گا۔تھانہ شنکیاری پولیس کے مطابق رپورٹ درج کرکے تفتیش شروع کر دی ہے۔