گوگل نیوز اینیشیٹو Google News Initiative کے ‘ڈیجیٹل صحافت’ پروگرام کے تحت
ہزارہ ڈویژن کے پرنٹ،الیکٹرانک اور آن لائن صحافت سے منسلک صحافیوں کو ڈیجیٹل صحافت کی تربیت فراہم کی گئی. گوگل نیوز انیشی ایٹو, ٹیک ویلی اور شیراز محمود قریشی فاونڈیشن کی شراکت سے چلنے والے ‘ڈیجیٹل صحافت’ پروگرام کا مقصد پاکستان بھر میں ایک ہزار صحافیوں کو درست اور دلچسپ ڈیجیٹل نیوز سٹوریز بنانے کے لیے ضروری ٹولز، تربیت اور وسائل فراہم کرنا ہے۔
چار گھنٹے کے اس تربیتی سیشن میں غلط معلومات سے نمٹنے،قابل بھروسہ معلومات کے نظام کو سمجھنے،معلومات کی تصدیق کے لیے استعمال کئیے جانے والی ٹولز،ڈیجیٹل رپورٹنگ کی مہارتیں ،آن لائن تحقیقی تکنیکس اور
گوگل ٹرینڈز کے ساتھ کام کرنے کے ماڈیولز پر صحافیوں کو آگاہی دی گئی۔
اس تربیت کا انعقاد پاکستان بھر میں پریس کلبز کے اشتراک سے کیا جا رہا ہے تاکہ زیادہ سے زیادہ صحافیوں تک پہنچا جا سکے۔ اس تربیت کا انعقاد ہزارہ ڈویژن کے ضلع مانسہرہ میں کیا گیا جہاں گوگل سرٹیفائیڈ ماسٹر ٹرینر محمد کامران نے 85 شرکاء کے لیے ہینڈز آن ٹریننگ سیشن کا انعقاد کیا اور شرکاء کو تربیت کے سرٹیفکیٹ بھی فراہم کیے گئے۔تربیت حاصل کرنے والوں میں پرنٹ،الیکٹرانک اور ڈیجیٹل میڈیا سے وابستہ صحافیوں اور ہزارہ یونیورسٹی کے میڈیا سٹڈی ڈیپارٹمنٹ کی طالبات اور طلبا شامل ہیں۔ تقریب کے مہمان خصوصی دانشور، سینئر صحافی اور سابق وفاقی وزیر اطلاعات مشاہد حسین سید تھے۔ تربیتی سیشن کی میزبانی کے فرائض صحافی اور سوشل ایکٹوسٹ رجب علی آزاد نے ادا کیے جبکہ ویلکم نوٹ ڈائریکٹر SMQ فاؤنڈیشن محمد یاسر نے دیا۔
ہزارہ ایکسپریس نیوز کے سی ای او شیر افضل گوجر نے ہزارہ ڈویژن میں میڈیا کے منظرنامے، مقامی کمیونٹی کی معلومات کی ضرورت ،تیزی سے بدلتے جدت کے تقاضوں سے ہم آہنگ نہ ہونے پردرپیش خطرات،میڈیا سڈی کے طلبہ کے لیے ریسرچ کے موضوعات اور مقامی صحافت کے کے لئیے مواقع کی موجودگی پر گفتگو کی اورساتھ گوگل کی طرف سے ڈیجیٹل صحافت پروگرام کی اہمیت اور مقامی صحافیوں کے لیے اس پروگرام سے جڑے مواقع پر گفتگو کی ۔اس موقع پر ٹیک ویلی کے سی ای او اور شیراز محمود قریشی فانڈیشن کے پیٹرن انچیف عمر فاروق نے گوگل نیوز انیشیٹو کے اغراض و مقاصد،مقامی صحافیوں اور کانٹینٹ کریٹرز کے لیے مواقع کی موجودگی،بزنس ماڈلز اور ڈیجیٹل صحافت کے مستقبل اور ٹیک ویلی کے کردار پہ تفصیلی گفتگو کی ۔مہمان خصوصی شاہد حسین سید نے میڈیا کے عالمی ،ملکی اور مقامی منظر نامے پر پر مغز گفتگو کرتے ہوئے نوجوانوں کو گوگل اور ٹیک ویلی کی طرف سے فراہم کردہ مواقع سے استفادہ کرنے پر زور دیا اور صحافیوں اور میڈیا سٹڈی کے طلبا و طالبات کے صحافت سے متعلق سوالات کے مدلل جوابات دیے۔۔آخر میں شرکاء میں سرٹیفیکٹس تقسیم کیے گیے ۔۔
شیئر
شیئر
